Vayalar Madhavan Kutty

Writer and Director

വയനാട്ടിലെ ബഹ്മഗിരിയുടെ വന്യസൗന്ദര്യം, ലക്ഷ്മീനാരായണ സ്വാമിയുടെ ശീവേലി ദർശനം ,രണ്ടും അനുഭവിക്കാനും,ആസ്വദിക്കാനും സാധിച്ചത്, മറക്കാനാവാത്ത ഒരനുഭവമായി .തിരുനെല്ലി ക്ഷേത്രത്തിനു തൊട്ടടുത്തുള്ള വിഷ്ണുപാദം റസിഡൻസിയിലെ താമസവും ആതിഥേയത്വവുമാണ് ഈ അനുഭവം സമ്മാനിച്ചത് .

---കഥാകാരനും സംവിധായകനുമായ ശ്രീ. വയലാർ മാധവൻകുട്ടി .

Venu Nair

Director

വർഷങ്ങൾക്കു മുൻപേ പ്രകൃതിരമണീയമായ തിരുനെല്ലിയുടെ തനിമയും പഴമയും മനസ്സിൽ പകർത്തിയിരുന്നതാണ് . ആ തനിക്ക് ആധുനികമുഖം വേദന ഉളവാക്കിയെങ്കിലും, ഭഗവന്റെ തിരുമുഖത്തു നിന്നും പ്രവഹിച്ച പുഞ്ചിരിയിൽ അവയെല്ലാം മാഞ്ഞുപോയി . വിഷ്ണുചേട്ടന്റെ തിരുനെല്ലിയിലെ സാന്നിദ്ധ്യമാണ് തന്നെഇക്കുറി അവിടെ എത്തിച്ചത്. അതും വളരെ സന്തോഷം നല്കിയ യാത്രയായി . മഴയേയും അട്ടയെയും ഭയക്കാതെ വിഷ്ണുപാദം റസിഡൻസിയുടെ ബാൽക്കണിയിലിരുന്ന്, ഭഗവാനെ മൂന്നുനേരവും കാണാൻ സാധിച്ചു എന്നത് വലിയ അനുഗ്രഹമായി . ഒരു കുറവുമാത്രം അനുഭവപ്പെട്ടു , ഒരു മൺസൂൺ ടൂറിസംകൂടി ഒരുക്കാമായിരുന്നു . വിഷ്ണുപാദം റസിഡൻസിയും, വിഷ്ണുചേട്ടനും മറക്കാത്ത ഓർമകൾ സമ്മാനിച്ചാണ് യാത്രയാക്കിയത് . സന്തോഷം ചേട്ടാ , അഭിനന്ദനങ്ങൾ .

---വേണുനായർ (Director)

Sidha Raj

Film Actor

തിരുനെല്ലി ലക്ഷ്മീനാരായണ ദർശ്ശനം വല്ലാത്ത ഒരനുഭവമായി . എത്ര വശ്യമായ പ്രകൃതിഭംഗി നല്കിയാണ് വയനാട് മനസ്സിൽ ഇടം നേടുന്നത് .ഏതാനും ചുവടുകൾ മാത്രം നടന്നാൽ ക്ഷേത്രനടയിൽ എത്താവുന്ന വിഷ്ണുപാദം റസിഡൻസിയിലെ താമസവും ഇഷ്ടമായി .ആതിഥ്യമര്യാദയും വെടിപ്പും തന്നെയാണ് ശ്രദ്ധേയമായത് , സന്തോഷം കുറിക്കുന്നു .

---സിദ്ധരാജ് (Film Actor)

Niya Actress

Actress

കുറെയേറെ തല്ല ഓർമകളുമായാണ്, തിരുനെല്ലിയിൽ നിന്ന് മടങ്ങുവാൻ സാധിച്ചത് .ലീവിന് എത്തുമ്പോഴൊക്കെ രഞ്ജിത്തേട്ടൻ പറയുമായിരുന്നു തിരുനെല്ലിയിൽ ശ്രാദ്ധത്തിനായി പോകണമെന്ന് . വിഷ്ണുപ്രകാശങ്കിളിന്റെ സാന്നിദ്ധ്യംകൂടി ആയപ്പോൾ ഇക്കുറി അതങ്ങുസഫലീകരിച്ചു . വിഷ്ണുപാദം റസിഡൻസിയിലെ താമസവും മഴയിൽ കുളിർന്ന ബലികർമ്മവും , വയനാടിന്റെ മാത്രമായ വശ്യസൗന്ദര്യവും ഞങ്ങളെക്കാൾ കുഞ്ഞുങ്ങളാണ് ഏറെ ആസ്വദിച്ചത് .എനിവേ , പെരുമാളിന്റെ കാരുണ്യദർശനവും , അങ്കിളിന്റെ ഹോസ്പിറ്റാലിറ്റിയും മറക്കാനാവില്ല ഞങ്ങൾക്ക് , താങ്ക്യൂ .

-Niya(Actress)

Manu-varma and Sindhu Manu Varma

Actor and Actress

സത്യംപറഞ്ഞാൽ വിഷ്ണുപ്രകാശ് ചേട്ടന്റെ തിരുനെല്ലിയിലെ സാന്നിദ്ധ്യമാണ് , ഞങ്ങളെ തിരുനെല്ലി പെരുമാളിന്റെ തിരുമുൻപിൽ എത്തിച്ചത് . കാലങ്ങളായുണ്ടായിരുന്ന ആ ഒരാഗ്രഹം അങ്ങനെ സഫലീകരിച്ചു . പെരുമാളിന്റെ തിരുമുഖച്ചാർത്തിൽ ഗുരുവായൂരപ്പനെ ദർശിച്ച ഒരു സായൂജ്യം. വിഷ്ണുപാദം റസിഡൻസിയുടെ ബാൽക്കണിയിലിരുന്നാൽ മൂന്നു നേരത്തേയും ശീവേലി സുഖമായി തൊഴാം എന്നതാണ് മറ്റൊരു വലിയ പ്ലസ്പോയിന്റ് . രണ്ടുദിവസത്തെ താമസം അവിസ്മരണീയം ചേട്ടാ . അമ്പലം ഫോർഗ്രൗണ്ടായുള്ള ബ്രഹ്മഗിരി മലനിരയുടെ നെറുകയിലെ മേഘസ്പർശം , ആഹാ മനോഹരം . നല്ലഓർമകളുമായാണ് ഞങ്ങൾ മടങ്ങിയത് .ചേട്ടന്റെ അഡ്മിനിസ്ട്രേഷനിൽ വിഷ്ണുപാദത്തിന് ഒരുവലിയ ഉയർച്ച ഞങ്ങൾ കാണുന്നു , ആശംസകൾ .

--നടൻ , മനു വർമ്മയും ഭാര്യ - നടി , സിന്ധു മനുവർമ്മയും

Dinesh Panicker

Film Actor

മുൻപ് തിരുനെല്ലിയിൽ എത്തിയിട്ടുണ്ടെങ്കിലും, ഇക്കുറി മാത്രമാണ് സ്വന്തം വീട്ടിൽ എത്തിയ ഒരു പ്രതീതി അനുഭവപ്പെട്ടത് . ശ്രീ വിഷ്ണുപ്രകാശിന്റെ സാന്നിദ്ധ്യം തന്നെയാണ് അതിന്റെ പിന്നിലെ സത്യം . അദ്ദേഹം നടത്തിവരുന്ന വിഷ്ണുപാദം റസിഡൻസി ഇത്രത്തോളം ക്ഷേത്രത്തോട് ചേർന്നുള്ളതാണെന്ന് കരുതിയില്ല. ഒരുക്കിയിട്ടുള്ള താമസ സൗകര്യങ്ങളും , ഫാമിലിറൂമിന്റെ ബാൽക്കണിയിലൂടെഉള്ള കാഴ്ചകളും സൂപ്പർ . സഹപ്രവർത്തകർ ഒതുങ്ങി കൂടുന്നില്ല , സജീവമായിരിക്കുന്നു അവരുടെ ജീവിതത്തിൽ എന്നതും അഭിനന്ദനീയം തന്നെ . ആശംസകൾ !!

---ദിനേശ്പണിക്കർ (Film Actor)

Jagadeesh Kovalam

Poet and Writer

വയനാട് ജില്ല എനിക്കേറെ പ്രിയംകരമാണ്. സാഹിത്യ പ്രവർത്തനങ്ങളുമായി ബന്ധപ്പെട്ട് പലപ്പോഴും സഞ്ചരിച്ചിട്ടുണ്ടെങ്കിൽകൂടി ആദ്യമായിട്ട് ആയിരുന്നു തിരുനെല്ലിയിൽ എത്തിയിരുന്നത്. മറ്റൊരു ക്ഷേത്രത്തിലും ഇല്ലാത്തതും തിരുനെല്ലിയുടേതു മാത്രവുമായ ഒരു പ്രത്യേകതയാണ്, രണ്ടര കിലോമീറ്റർ അകലത്തെ മലയടിവാരത്തുനിന്നും, കൽപ്പാത്തിയിലൂടെ തിടപ്പള്ളിയിലെത്തുന്ന കാട്ടുജലം. ഈ ജലം പുണ്യാഹമോ ശുദ്ധീകരണമൊ ഒന്നുംകൂടാതെതന്നെ നേദ്യമുൾപ്പെടെയുള്ള ക്ഷേത്രാവശ്യങ്ങൾക്ക് ഉപയോഗിക്കുന്നു. വന്നു കണ്ടു കീഴടക്കി എന്നു പറയുംപോലെ, വന്നു പെരുമാളിന്റെ അഭിഷേകം കണ്ടു, അത്ഭുതതീർത്ഥം സേവിച്ചു തൃപ്തിയായി. ക്ഷേത്രത്തോട് ചേർന്നുള്ള വിഷ്ണുപാദം റസിഡൻസിയിലെ താമസവും ഇഷ്ടമായി. നല്ല ഹോസ്പിറ്റാലിറ്റി, ഭക്ഷണസൗകര്യം, ക്ലേശരഹിതമായ ദർശനസൗകര്യം. തിരുനെല്ലി എന്ന് ഓർക്കുമ്പോൾ ഏവർക്കും തെരെഞ്ഞെടുക്കാവുന്ന സുരക്ഷിതമായ ഒരു താമസസ്ഥലം. വിഷ്ണുപാദം റസിഡൻസിയെപ്പറ്റി നല്ല രണ്ടു വാക്കുകൾ രേഖപ്പെടുത്തി നിറുത്തുന്നു.

കവിയും സാഹിത്യകാരനുമായ
---ജഗദീഷ് കോവളം

Kallara Ajayan

Poet

ഞാൻ ആദ്യമായി വയനാട്ടിൽ എത്തിയിരുന്നത് തൊണ്ണൂറ്റി എട്ടിലായിരുന്നു, ഒരു കവിയരങ്ങിൽ പങ്കെടുക്കുവാൻ. അന്നൊക്കെ പൊതുവേ വയനാട്ടിൽ താമസ സൗകര്യങ്ങൾ കുറവായിരുന്നു. ഇന്ന് കാട്ടിക്കുളത്തു നിന്ന് തിരുനെല്ലിക്ക് തിരിഞ്ഞപ്പോൾ മുതൽക്കേ, റിസോർട്ടുകളുടേയും, ലോഡ്ജുകളുടേയും പരസ്യബോർഡുകൾ ധാരാളമായി കാണാനുണ്ടായിരുന്നു. എങ്കിലും ഒന്നും ഗൗനിക്കാതെ തിരുനെല്ലി ക്ഷേത്രത്തിന്റെ പടിക്കെട്ടിനു ചുവട്ടിൽ എത്തി വണ്ടിനിറുത്തി. തെക്കെനടയിലെ പടിക്കെട്ട് ഒഴിച്ചാൽ, പഴയ കാഴ്ചയേ ഇല്ല തിരുനെല്ലിക്ക് ഇന്ന്. ഇടത്തേക്കോ വലത്തേക്കോ എന്ന് ഒരുനിമിഷം ശങ്കിച്ചുനിന്നു. വലത്തേക്കു തിരിയാനാണ് മനസ്സുമന്ത്രിച്ചത്, അതൊരു നിമിത്തമായി. അങ്ങനെ ആയിരുന്നു വിഷ്ണുപാദം റസിഡൻസിയിൽ മുറിയെടുക്കാൻ ഇടയായത്. സ്വന്തം വീട്ടിൽ എത്തിയ പ്രതീതിയായിരുന്നു. താമസത്തിനും, പിഴവു സംഭവിക്കാത്ത ബലിസമർപ്പണത്തിനും, ശ്രീ വിഷ്ണു പ്രകാശ് ചേട്ടനിൽനിന്നും കിട്ടിയ കരുതൽ, ഭഗവൽ കാരുണ്യമായി അനുഭവപ്പെട്ടു. നിറഞ്ഞ മനസ്സോടെയാണ് തിരുനെല്ലിയിൽനിന്നും മടങ്ങിയത്.

---കല്ലറ അജയൻ (കവി)